Du reechsd di auf, du flibbsd aus weecher jedn Muggerschiess
Dai Bluddrugg steichd, dai Buls der joochd, dess dudd ka guud, sovill is gwies
Du maansd di Weld will alles vo dä, du spierst di bloss, wennsd beinoh bladsd
Ranglotzn unn ned gleggern iss dei Lieblingsglaubnssadds
Du willsd alles, immä, ieberoll und wenns gehd sofodd
Ohne Sinn und Zill, ohne Verschdand, immä schnellä gehd der Drodd
Ess wahre Lehm diggt andersch, dess konnsd ned so wiesd willsd hibieng
Der Fluss fliessd a ned schneller, a wennsd mahnsd, du konnsd nan schiehm
Es Groos wächsd fei ned schnellä, a wennsd nu so lang droo ziechsd
Dä Reeng fälld ned in Himml nauf, du bisd ned schnellä als ess Lichd
Dä Boch fliessd ned nooch ohm, odder schdur grodaus
Er bassd siech on seim Boden o, un er waachd di Schdaaner aus
Di Blumma wächsd dem Lichd entgehng, machd in der Wärm iehr Blüdn frai
Iech glaab, wenn du a Blumma wärsd, wachsersd Du inn Bodn nai
Ess echde Lehm diggt andersch, dess konnsd ned so wiesd willsd hibieng
Der Fluss fliessd a ned schneller, a wennsd so dussd, als könnsd nan schiehm
Du hängsd di nai, du gibbsd alles, schdramblsd bis nix mehr gehd
Obber bevor's di umschausd, hauds di um - nocherd schausd rechd bleed
Du broahlsd, du hosd di Züchl in der Händ und lengsd Dein Wohng allaans
Dabei hosd diech doch schon längsd verfohrn, scheissd in di Hosn vor lauder Angsd
Ess wahre Lehm diggt andersch, dess konnsd ned so wiesd willsd hibieng
Der Fluss fliessd a ned schneller, a wennsd der einbildsd, du konnsd nan schiehm
Wassd ned wozu dess alles guud sei soll, wassd ned wohie, woher
Dess Vakuum im Hirn, dess machd dä Angsd, im Kobf drinna alles öd un leer
Di Leer, di überdöhnsd mid Ärberd, Hedzerei
Bausd der an Potemkin fier dei Seel, doch dei Kaiser is a Naggedei
Ess wahre Lehm diggt andersch, dess konnsd ned so wiesd willsd hibieng
Der Fluss fliessd a ned schneller, awennsd mahnsd, du konnsd nan schiebm
Die Naduur, di hodd iehrn Rhydhmus und dei Körber is Naduur
Doran konnsd du nix verändern, a weensd di streibsd in aaner Dour
Wolfgang Mai ist ein fränkischer Singer-Songwriter. Der gebürtige Erlanger schreibt und singt Geschichten aus dem Leben,
über das Wundervolle und Schöne, von Abgründen, Widersprüchen und Scheitern. Von Freude und Zweifeln, von Unverständnis und Wut über aktuelle Ereignisse, nie ohne Hoffnung, Demut, Dankbarkeit - und einer Portion Augenzwinkern....more
"Sambesi" war das Album von Wolfgang Buck, das mich nachdrücklich geprägt und mir gezeigt hat, wie wunderschön die Musik und das Fränkische harmonieren können. Aus meiner Sicht unerreicht. Wolfgang Mai
Die neueste Scheibe von Wolfgang Buck und die erste, die er nach dem Ende der Wolfgang Buck Band mit den neuen Musikern aufgenommen hat. Wunderbar. Wolfgang Mai
The latest from UK artist MF Tomlinson sets sharp lyrics amidst a backdrop of acoustic guitar, lush keys, and soft percussion. Bandcamp New & Notable Apr 12, 2021