We’ve updated our Terms of Use to reflect our new entity name and address. You can review the changes here.
We’ve updated our Terms of Use. You can review the changes here.

Dahamm

from okumma by Wolfgang Mai

/

lyrics

Dahamm Text und Musik: Wolfgang Mai


Wenn miech ahner frächd, wo kummsd du nern her?
Und iech sooch: aus Erlang, ernd i Bligge, öd un leer
Wassd scho, sooch i dann, bei Nermberch do nehmdro
In dä frängischn Bamba zwischer Buhmraid, Buggnhof un Dennerloh
Kaum ahner kennds, kaum ahner waas, wo der glaa Weiler lichd
Gäbs di Firma un di Uni nedd, daucherds gornedd auf in dä Weldgschichd
Erlang, Unbekannda, mier zwaa g'hörn zamm
Iech bin dä Wolfgang, un do bin iech dahamm

Erlang ghörd zu Bayern, a Bayer iss mer obber nedd
Mer iss zwor wer, dess "Mier san mier" loss mer bescheidn wech
Zwischer Breissn un Schdudendn underm Frangnhimmlszeld
Driffsd dollerande Menschn, offne Bürcher vo Weld
Amoll ahn dreffm, der wo wergli vo do kummd, iss olles andre als driviol
Under alla Nadsiona sinn di Erlanger Aborigines ganz glor in dä Minderzohl
Erlang, mei bunds Erlang, mier zwaa g'hörn zamm
Iech bin dä Wolfgang, un do bin iech dahamm

Langwahli, zu rechdwingli, ohne Highlight, ohne Chic
No jo, manchmoll endbubbd si Scheenheid hald erschd aufn zweidn Bligg
Gemässichd iss ess Glima, unschbegdagulär, massd mild
Unwedder ziehng nooch Nemberch nieber - immer widder a scheens Bild!
Wenn's in dä Fern rummsd, grachd, schüdd, schebberd, dassd maansd, di Weld brichd zamm
Deng iech, wi guud, wennsd ab vom Schuss liggsd, nehmdro iss a dahamm
Erlang, Unscheinbora, mier zwaa g'hörn zamm
Iech bin dä Wolfgang, un do bin iech dahamm

Woss bei di Fisch dä Lachs, iss beim Mensch dä Frangnschdamm
Eschd ziechd siss in di Weld naus, doch schnell ziechsd alla widder hamm
Heid waas mer, dess iss Genedigg, a DNA midd mudierdm Stügg
Dess ahm befilld, kehr widder dordhie, woosd gschlübfd bisd, zurügg
Do siggsd dann ahn a ganz Johr lang nedd, doch ess gibbd an sichern Ord
Sovill iss gwies, aufm Berch drohm driffsd nann, wall wennsd aan dreffn willsd, dann dord
Erlang, mei Erlang, mier zwaa g'hörn zamm
Iech bin dä Wolfgang, un do bin iech dahamm

Ieberleemsraum fier bedrohda Ordn, zum Baischbill Menschn, die an Haigaing fohrn
Fußgängerzona gibbds zwor, doch Zwaafüssler hamm do nix verlorn
Beim Schlendern, beim Eikaafm, nirchnds konnsd dä sicher sei
Do dengsd nix Bees, scho glingld ahner, ziechd midd am Afferzohn verbai
Mancha Rodler rumbln, villeichd leemsmüd, obber sicher nedd ned gans dichd
Verkehrdrum nei in Einbohnstroßn, nachds a gern moll ohna Lichd
Erlang, mei Erlang, mier zwaa g'hörn zamm
Iech bin dä Wolfgang, un do bin iech dahamm

Gschaida, gluucha Menschn hamm scho immer glebbd dodrohm
Dä Faierbochs Ludwich, Rüggerd, Fichde un dä Ohm
A fier Loddar "di Leuchdn" Maddhäus wor hier de Anschdoos fier sei Leem
Manchmoll konnsd a denn Heiner, wassd scho, denn vo Bierer sehng
Doch die sann alla nedd gor so wichdi, fier miech, do zähld alla
Dä gressde Mensch aus Erlang wor mei Oma seelich, ess Ermann's Grederla
Erlang, mei Erlang, mier zwaa g'hörn zamm
Iech bin dä Wolfgang, un do bin iech dahamm

Kummsd vo Nemberch auf dä Audobohn, siggsd di Gipfl vom Burchberch
Bücherbacher Skyline, Kerchdürm, n Schlood vo di Schaddwerch
A komischs blaus Hochhaus, in Wosserdurm bei Marloffstaa
Und jedesmal on Pfingsdn ess Riererrad auf dä Berchkerwa
Verbai om Dechser, woosd a als Laie Algnwachsdum schdudiern kann
Durch di Rechnidswiesn, bei di Wasserrädli waas iech dann: iech bin dahamm
Erlang, mei Mauerblümmla, mier zwaa g'hörn zamm
Iech bin dä Wolfgang, un do bin iech dahamm
Erlang, mei Scheena, mier zwaa g'hörn zamm
Iech bin dä Wolfgang, un do bin iech dahamm

credits

from okumma, released May 1, 2015

license

all rights reserved

tags

about

Wolfgang Mai image

Wolfgang Mai Erlangen, Germany

Wolfgang Mai ist ein fränkischer Singer-Songwriter. Der gebürtige Erlanger schreibt und singt Geschichten aus dem Leben, über das Wundervolle und Schöne, von Abgründen, Widersprüchen und Scheitern. Von Freude und Zweifeln, von Unverständnis und Wut über aktuelle Ereignisse, nie ohne Hoffnung, Demut, Dankbarkeit - und einer Portion Augenzwinkern. ... more

contact / help

Contact Wolfgang Mai

Streaming and
Download help

Report this track or account

Wolfgang Mai recommends:

If you like Wolfgang Mai, you may also like:

Bandcamp Daily  your guide to the world of Bandcamp

On Bandcamp Radio

Fabiana Palladino stops by to talk about her mesmeric debut LP.
listen now